D'Bebbi uss dr Sicht vomene Junge


- Die Geschichte der Basler Bebbi
- Aus dem Vereinsleben eines Bebbi

 

I bi jetzt syt vier Joor bi de Basler Bebbi. Mir gfallts sehr guet do, i bi halt gärn in so-n-ere grosse Männerclique. S isch schön, ass me nit nur mit de andere Buebe zämme isch, sondern au mit de "grosse" Männer Kontakt het.

Die letschti Stund vor de Summerferie unternämme mir immer mit allne Buebe zämme e Picnic. Das isch immer luschtig und sehr gmietlig. Bsunders toll find i immer dr Göttiumtrunk am Fasnachtsmittwuchobe, wo n-i immer mit em Urs us em Stamm gang go öbbis dringge.

D Fasnacht isch eh super lässig! Scho vor dr Fasnacht, wenn mir im Käller dien d Larve mache und mir uns denn alli wieder meh gsehn und sich alli freue, duets mi scho afo kribbele und i mag ame fascht nümm warte, bis dr Morgestraich ändlig afoht. Und denn isch s cool, will i megalang ka uffsi und s mit mine Kollege ka glatt ha. I ka mi richtig triibe lo und ka s richtig gniesse!

Was i letscht joor au no ganz toll gfunde ha, ass i ha könne dr Zeedel vo de junge schriibe. Und denn ha-n-ich en erscht no dörfe am Intärne vortrage.

Also du gsehsch, es isch megalässig bi de Basler Bebbi und i möcht an dere Stell au emol sage, ass i d Basler Bebbi mega cool find!